Aqtóbede jańbyrly kúni joldyń oı-shuńqyryn jóndegender jazalanbady
AQTÓBE. KAZINFORM — Alǵa aýdany ákimdigi joldy demeýshiler jóndegenin aıtty. Áleýmettik jelidegi vıdeodan soń jumysty toqtatyp, búgin aıaqtaǵan.
Aqtóbe oblysy Alǵa qalasy ákimdigi kóktemde joldyń oı-shuńqyryn jóndeý jumysyna kiristi. Alaıda jumys jańbyr jaýyp turǵan kezde de toqtatylmady. Muny kórgen turǵynnyń biri ony vıdeoǵa túsirip, áleýmettik jeli arqyly taratyp jiberdi.
— Aýdan turǵyny A. Týbetbaev jańbyrly kúni joldyń oı-shuńqyryn jamaý jumysy júrgizilip jatqanyn aıtyp, vıdeo jarııalady. Alǵa qalasy ákimdigi kóktemde shuńqyrlardy jóndeý jumysyn eskerip, «Ýnıversal 3 Q» JShS-men kelisimge keledi. Eset batyr kóshesindegi jumys demeýshi esebinen jasaldy. Kóshede jóndeý 20-sáýir kúni júrgizilgen. Jumysty aıaqtar kezde jańbyr jaýyp ketken. Jóndeý ýaqytsha toqtatyldy, búgin aıaqtaldy, — dep habarlady Alǵa aýdany ákimdigi.
Aıta keteıik, Aqtóbede jol jóndeý jumystaryna bıyl 70 mlrd teńgeden astam qarjy jumsalady. Barlyǵy 518 shaqyrym jol jóndeledi. Onyń kóbi respýblıkalyq baǵytta.
