Aqtóbede janarmaıy taýsylyp, jolda qalǵan 4 jolaýshy qutqaryldy
AQTÓBE. QazAqparat - Aqtóbede qarly kúni júrýge arnalǵan kólikpen saparǵa shyǵyp, jolda qalǵan jolaýshylar qutqaryldy, dep habarlaıdy QazAqparat tilshisi.
Oqıǵa 3 qańtar kúni saǵat 16:00-de tirkeldi. Mártók aýdanynyń Sarjansaı aýylynan shyqqan bir otbasy qutqarýshylardan kómek suraǵan. Qarda júretin kóliktiń janarmaıy taýsylyp, olar dalada qalyp qoıǵan.
«Oqıǵa ornyna tótenshe jaǵdaılar qyzmetinen 6 adam, bir tehnıka jiberildi. Hlebodar aýyldyq orýginen bir adam bardy. Saǵat 20:06-da dalada qalǵandar tabylyp, qutqaryldy. Olar Qýraıly aýylyna jetkizildi. Jolda ystyq sháı berilip, jylytyldy. Medıtsınalyq kómekti qajet etpedi. Tórt adamnyń ekeýi - bala», - dep habarlady oblystyq TJD baspasóz qyzmetkeri Sabına Serikova.
