Aqtóbede janarmaı tasıtyn kólik jarylyp, eki adam aýrýhanaǵa tústi
AQTÓBE. QazAqparat - Aqtóbe qalasynda janar-jaǵarmaı tasıtyn kólik jarylyp, 2 jumysshy jansaqtaý bólimine tústi, dep habarlaıdy QazAqparat tilshisi.
10 qyrkúıek kúni janar-jaǵarmaı bazasynda kólik jarylyp, úsh adam aýrýhanaǵa tústi. Kólik júrgizýshisi birer kúnnen soń aýrýhanadan shyǵarylǵanymen, eki operator jansaqtaý bóliminde jatyr. Olardyń jaǵdaıy birqalypty, biraq aýyr.
«Eki kún buryn túski mezgilde aýrýhanaǵa kúıik shalǵan eki adam tústi. Áıel 55, er adam 38 jasta. Ekeýiniń jaǵdaıy aýyr. Olardyń denesiniń 80-90 paıyzy kúıip qalǵan»,- dedi Aqtóbe oblystyq jedel járdem aýrýhanasynyń bas dárigeri Sáken Qapanov.
Eki naýqas qazir jansaqtaý bóliminde em qabyldap jatyr.
Aıta keteıik, 55 jastaǵy Zıbagúl Tıýmenbaeva men Serikbaı Palvanovqa dárigerler tıisti em júrgizip jatyr. Al qajetti dári-dármekti janar-jaǵarmaı kompanııasy óz mindetine alǵan.
