Aqtóbede Jańaózen qalasynyń ákimine qatysty is qaralýda
AQTÓBE. 19 qyrkúıek. QazAqparat - Búgin mamandandyrylǵan aýdanaralyq sotta Mańǵystaý oblysy Jańaózen qalasynyń burynǵy ákimi Oraq Sarbópeevke qatysty is qaralýda. Otyrys alqa bılerdiń qatysýmen ótip jatyr.
Oblystyq sot baspasóz qyzmetiniń jetekshisi Gúlnur Sımatovanyń sózine qaraǵanda, burynǵy ákim asa iri kólemde para aldy dep aıyptalýda. Ol 2011 jyldyń naýryz-sáýir aıynda óz kabınetinde 2010 jyldyń naýryz-sáýirinen bastap Jańaózen qalasynda salyna bastaǵan 200 páterlik úıdiń qurylysyna kómekteskeni úshin «ÓzenQurylys» JShS-niń basshysynan 6 mln. teńge mólsherinde para alǵan. (QK-niń 311 baby, 5 bólimi).
2011 jyldyń qarasha-jeltoqsan aıynda ákim JShS-niń basshysynan 100 myń dollar mólsherinde para men kelininiń atyna dúken salyp berýdi talap etken. Sol kúni qarajattyń jartysy berildi. «ÓzenQurylys» JShS 8,9 mln. teńgege ákimniń keliniA. Jańbyrshınanyń atyna dúken salyp bergen. Osylaısha O. Sarbópeev QR QK-niń 311 baby, 5 bólimi jáne 24 baby, 3 bólimi boıynsha aıyptalyp otyr.
