Aqtóbede jańa jyldyq mereke kúnderi monıtorıng toptary jumysyn kúsheıtedi
Aqtóbe oblysy qazir «jasyl» aımaqta. Óńirlik kommýnıkatsııalar qyzmetinde baspasóz máslıhatyn ótkizgen oblystyq sanıtarııalyq-epıdemıologııalyq baqylaý departamenti álemde omıkorn shtamy taraǵan tusta jaǵdaıdyń kúrt ózgerip ketýi múmkin ekenin eske saldy.
«Omıkron shmaty álemniń 100-den astam elinde tirkelgen. DDSU málimetinshe jastar, balalar jıi juqtyrady. Delta shtamyna qaraǵanda tez taraıdy jáne adamǵa tezjuǵady. Sondyqtan koronavırýs ınfektsııasyn taratpaý úshin oblystyq sanıtarııalyq-epıdemıologııalyq departamenti jańa jyldyq merekeni otbasynda atap ótýdi usynady. Otbasylyq mereke kezinde kóp qonaq shaqyrmaǵan durys. Uzaq ýaqyt birge otyrý da qaýipti. Eske salamyz, oıyn-saýyq, demalys oryndarynda qyzmetkerler men kelýshilerden«jasyl» mártebe talap etiledi. Adam sany 100-den aspaǵany jón», - dedi oblystyq sanıtarııalyq-epıdemıologııalyq departamenti basshysynyń mindetin atqarýshy Gúlbaný Dáýletova.
Mereke qarsańynda jáne mereke kúnderi monıtorıng toptar jumysty kúsheıtedi. Reıd kúndiz jáne túnde júrgiziledi.
Aıta keteıik, monıtorıng toptar men jergilikti polıtsııa qyzmetiniń habarlamasynan soń 92 mln teńgeni quraıtyn myńǵa jýyq aıyppul salyndy.
