Aqtóbede Jańa jyl túni polıtsııaǵa 157 qońyraý tústi
AQTÓBE. KAZINFORM - Aqtóbede tún birqalypty ótti. Polıtsııa 4 mas júrgizýshini ustady.
Aqtóbe oblysynda polıtsııa, tótenshe jaǵdaılar qyzmeti men dárigerler jumysty kúsheıtti. Polıtsııa túnniń tynysh ótkenin habarlady.
- Aqtóbede Jańa jylda qaýipsizdik sharalary kúsheıtildi. 600-den astam polıtseı men Ulttyq gvardııanyń 400-ge jýyq qyzmetkeri tártipti qamtamasyz etti. Osy kezeńde 102 pýltine 157 qońyraý kelip tústi jáne patrýldik polıtsııa qyzmetkerleri tórt mas júrgizýshini anyqtady. Olardyń bireýi buryn kólik quraldaryn basqarý quqyǵynan aıyrylǵan. Osy oqıǵalarǵa qaramastan túnde aýyr qylmys tirkelmedi, - dedi oblystyq PD baspasóz qyzmetiniń jetekshisi Erbolat Sarqulov.
Onyń aıtýynsha, polıtsııaǵa qońyraý shalǵandar tún tynyshtyǵyn buzdy dep shaǵym aıtqan. Sonymen otbasylyq janjaldar boldy.
Eske salsaq, Aqtóbe qalasyndaǵy kópsalaly aýrýhananyń travmatologııa bólimine kúnine 60-70 adam túsedi. Búginde pırotehnıkany durys paıdalanbaǵan eki adamdy jeńil kúıik shaldy.