Aqtóbede Jańa jyl túni 800 aq halatty qyzmet etedi
AQTÓBE. KAZINFORM – Aqtóbe oblysynda 31 jeltoqsannan 1 qańtarǵa qaraǵan túni 792 aq halatty kezekshilikke shyǵady. Onyń 200-i aýdandarda.
Aqtóbe oblystyq densaýlyq saqtaý basqarmasynyń baspasóz qyzmeti mereke men demalys kúnderine qaramastan jumysyn úzdiksiz júrgizetin sala mamandary týraly aqparat berdi. Bıyl ár aýrýhana, emdeý oryndaryndaǵy kezekshilikte 792 medıtsına salasynyń qyzmetkeri jumys isteıdi.
— Jedel járdem qyzmetinde 52 brıgada bolady. Onda 156 adam jumys isteıdi. Al beketegi Call-ortalyqta turǵyndardyń qońyraýyn 17 dıspetcher qabyldaıdy. Qazirgi kezde turǵyndarǵa 103 baılanysynan ózge 41-10-07 jáne 41-03-19 nómirleri taratylyp jatyr. Bul alǵashqysy bos bolmaǵan kezde habarlasýǵa bolatyn qosymsha nómir. Aqtóbe oblystyq kópsalaly aýrýhanasy men Qarǵaly qalalyq aýrýhanasyndaǵy jaraqat bólimi adamdarǵa úzdiksiz qyzmet kórsetedi. Al balalardy oblystyq kópsalaly balalar aýrýhanasy qabyldap tur. Sonymen birge munda saǵat 20:00–den tańǵy 8:00–ge deıin tisti tegin julýǵa bolady. Tek tisi qatty aýyryp, shydaı almaǵandar qabyldanady, — dedi Aqtóbe oblystyq densaýlyq saqtaý basqarmasynyń baspasóz qyzmeti.
Mereke kúnderi emhanalarda kezekshi dárigerler qyzmet etedi. Olar 1-4 qańtar kúnderi aralyǵynda túske deıin jumys isteıdi. Al balalar tis emhanasy saǵat 9:00–15:00 aralyǵynda ashyq bolady.
Aıta keteıik, QR Densaýlyq saqtaý mınıstrliginiń málimetine sáıkes, 2024 jyldyń basynan 9 aı ishinde Qazaqstanda 76 myńnan astam jaǵdaı tirkelgen.