Aqtóbede jańa asfalttyń qaq ortasynda elektr baǵanasy qalyp qoıǵan
AQTÓBE. KAZINFORM — Aqtóbe qalasy Úmbeteı jyraý kóshesine asfalt tóselgenimen, elektr baǵanasy qaq ortada tur. Turǵyndar jol-kólik apatynyń aldyn alyp, qaýipsizdikti qamtamasy etýdi talap etti.
Aqtóbe qalasyndaǵy turǵyn alaptarda jol salý, jóndeý jumystarynyń keıbiri sapasyz bolyp, is sotqa jetip jatyr. Sonyń biri — Úmbeteı jyraý kóshesi jobasy. Memleketik satyp alý konkýrsy arqyly «Jeruıyq konsaltıng» JShS jeńimpaz dep tanylǵan. Merdiger 3 800 metr joldyń 1 600 metrin saldy. Birinshi qabatyn tósegende jol zerthanasy, tehnıkalyq baqylaý buzýshylyqtardy anyqtady.
— Bas merdiger byltyr ınjenerlik jelilerdi qaıta ornalastyrý jáne asfaltbeton jabyndysyn tóseý jumystaryn júrgizdi. Alaıda jumys tolyq aıaqtalmady. Bekitilgen kesteden keshikken soń is sotqa jiberilip, kelisimshart buzyldy. Sóıtip «Jeruıyq konsaltıng» JShS josyqsyz dep tanyldy. Keıin memlekettik satyp alý konkýrsy qaıta jarııalandy. Jańa merdiger baǵanalardy alyp, ornyn aýystyrady. Keıin joldyń úzilgen bóligine asfalt tóseıdi, — dedi Aqtóbe qalasy ákiminiń baspasóz qyzmeti.
Jańa kelisimshartqa sáıkes jol qurylysyn «Aqtóbe kontrashn» JShS-i aıaqtaıdy. Jańbyr jaýyp, qurylys jumystary áli bastalmaǵan. Al qalalyq ákimdik qaýipti aýmaqqa túnde janatyn belgi ornatylǵanyn jetkizdi.
Aıta keteıik, Aqtóbede jol jóndeý jumystaryna bıyl 70 mlrd teńgeden astam qarjy jumsalady.
