Aqtóbede jalǵyzbasty zeınetkerdiń úıin tonap, óltirip ketti
AQTÓBE. QazAqparat - Aqtóbe qalasy mańyndaǵy Prıgorodnyı aýylynyń 83 jastaǵy turǵynyn óltirip ketti. Kúdikti ustaldy, dep habarlaıdy QazAqparat tilshisi.
Aýyl turǵyndary Jedel basqarý ortalyǵyna qońyraý shalyp, túnde 83 jastaǵy kórshisiniń qaıtys bolǵanyn habarlady. Oqıǵa ornyna barǵan jedel-tergeý toby zeınetkerdiń qylǵynyp (mehanıkalyq asfıksııa) ólgenin, zorlyq belgilerin anyqtady. Polıtsııa qyzmetkerleri jedel-izdestirý is-sharalary barysynda 57 jasar aqtóbelik kúdiktini anyqtady. Er adam Aqtóbe qalasynyń ýaqytsha ustaý ızolıatoryna qamaldy. Kisi óltirý faktisi boıynsha sotqa deıingi tergeý bastaldy.
«Ol jalǵyzbasty zeınetkerdiń úıine kirip, ony tonamaq bolǵan. Zeınetker dybystan oıanyp ketken, kúdikti ony uryp-soǵyp, qylǵyndyrǵan. Alaıda zeınetkerdiń úıinen ol bar bolǵany 1-2 myń teńge kóleminde aqshadan basqa qundy eshteńe tappaǵan», - dedi oblystyq PD baspasóz qyzmetiniń jetekshisi.
