Aqtóbede kózi tiri jalǵyz soǵys ardagerine 2 mln teńge beriledi

AQTÓBE. KAZINFORM — Aqtóbe oblysynda kózi tiri jalǵyz soǵys ardageri qaldy. Vasılıı Gretskııge bıyl 2 140 000 teńge beriledi.

Jeńis kúni soǵys ardagerimen qatar tyń eńbekkerleri men soǵys ardagerleriniń jesirlerine de áleýmettik tólem qarastyryldy. 

— Ekinshi dúnıejúzilik soǵys ardagerleriniń jesirlerine 100 myń teńge, keıbir aýdanda máslıhat sheshimine baılanysty 150 myń teńge beriledi. Sonymen birge soǵys kezinde jaralanyp, kontýzııa alyp, mertigip, aýrýǵa shaldyǵyp, qaıtys bolǵan adamdarynyń zaıybyna 150 myń teńge, tyl eńbekkerlerine 100 myń teńge taǵaıyndaldy. Soǵys qatysýshylaryna, soǵys kezine jaralaný, kontýzııa alyp, mertigip, aýrýǵa shaldyǵýyna baılanysty múgedektigi bar adamdarǵa teńestirilgen basqa da soǵys qımylyndaǵy adamdarǵa 230 myń teńge beriledi, — Aqtóbe oblystyq jumyspen qamtýdy úılestirý jáne áleýmettik baǵdarlamalar basqarmasynyń bas mamany Bekbolat Imanǵalıev.