Aqtóbede jalǵan PTR anyqtamasyn satqan erli-zaıyptyǵa sot úkimi shyqty
№2 Aqtóbe qalalyq sotynda sottalýshy Temirjan Kúndolov pen Jazıra Mahanovqa qatysty sot otyrysy ótti. Olarǵa Qylmystyq kodekstiń «Jalǵan qujattardy, mórtabandardy, mórlerdi, blankilerdi, memlekettik poshta tólemi belgilerin, memlekettik nagradalardy qoldan jasaý, daıyndaý nemese ótkizý» baby boıynsha aıyp taǵyldy.
Іs materıalyna súıensek, erli-zaıypta jalǵan PTR anyqtamasyn jasap, ony Qazaqstan-Reseı shekarasynan ótetin adamdarǵa satqan. Sóıtip ár anyqtamany 7500 teńgege jasap bergen. Sot otyrysynda dál osyndaı jolmen jalǵan qujat jasaǵan 12 epızod qaraldy. Sottalýshy T.Kúndolov sotta óz kinásin moıyndady. Ol 2020 jyldyń qazan-qarasha aılary arasynda ár anyqtamany 7500 teńgege satqanyn aıtyp berdi. Sonymen birge sottalýshy Jazıra Mahanov ta bar kinásin moıyndady.
«Temirjan Kúndolov Qylmystyq kodekstiń 385-baby 2-bóligimen aıypty dep tanylyp, 200 AEK kóleminde (555 000 teńge) aıyppul tóleý taǵaıyndalsyn. Jazıra Mahanova Qylmystyq kodekstiń 385-baby 2-bóligimen aıypty dep tanylyp, 200 AEK kóleminde (555 000 teńge) aıyppul tóleý taǵaıyndalsyn», - dep jazylǵan úkimde. Aıyppuldy 15 kúnde tóleý mindetteldi.
Aıta keteıik, PTR synamasyn satqandar bıyl jazda anyqtalyp, ustaldy.