Aqtóbede jalǵan fırmalar arqyly qarjy jymqyrǵandar sottaldy
AQTÓBE. QazAqparat - Aqtóbede jalǵan fırmalar arqyly qarjyny qolma-qol aqshaǵa aınaldyrǵandar bas bostandyǵynan aıyryldy, dep habarlaıdy QazAqparat tilshisi.
Eki jyl boıy naqty jumys istemegen, taýar jetkizbesten jalǵan shot-faktýralar jazyp bergen bir top adam qylmystyq jaýapqa tartyldy. QR Qarjylyq monıtorıng agenttigi baspasóz qyzmetiniń habarlaýynsha, 2015 jyly eki aqtóbelik birneshe kásiporyn quryp, zańdy tulǵany tirkeý protsedýralarynan ótip, ekinshi deńgeıli bankterde esepshottar ashqan. Keıin óz atyna tirkegen. Sodan keıin olar ózderiniń jalǵan fırmalar arqyly qarjyny qolma-qol aqshaǵa aınaldyratyn kontragentterdi izdeýmen aınalysqan.
«Memleketke keltirilgen zalal mólsheri 492,6 mln teńgeni quraıdy jáne qazirgi ýaqytta óteldi. Tergeý barysynda arnaıy qurylǵan JShS-niń banktik shottaryndaǵy 7,3 mln teńge somasyndaǵy qarjyǵa tyıym salyndy. Aqtóbe qalasynyń №2 soty qylmys jasaǵandardy shartty túrde 3 jyl jáne alty aıǵa sottady», - dep habarlady QR QMA baspasóz qyzmeti.
