Aqtóbede jádel járdem shaqyrǵandar sany 4 ese azaıdy
AQTÓBE. QazAqparat – Aqtóbede sońǵy aptada ókpe qabynýy dertimen aýrýhanaǵa túskender sany azaıdy, dep habarlaıdy QazAqparat tilshisi.
Aqtóbe oblysy boıynsha provızorlyq statsıonarlarda 1600 adam ókpe qabynýy dertinen em qabyldap jatyr. Qosymsha 1200-den astam kereýet daıyn tur.
Oblystyq densaýlyq saqtaý basqarmasy basshysynyń mindetin atqarýshy Svetlana Esenamanovanyń aıtýynsha, osy aıdyń alǵashqy onkúndiginde táýligine 200-250 adam aýrýhanaǵa jatqyzylsa, búginde 50-60 adam túsedi.
«Jedel járdem shaqyrý 4-5 esege azaıdy. Bul jaqsy kórsetkish. Karantın erejesin saqtaǵandyqtan osyndaı nátıjege qol jetkizip otyrmyz. Adamdar maska taǵyp, qorǵanyp júrýdi ádetke aınaldyrdy», - dedi Svetlana Esenamanova.
Aıta keteıik, Aqtóbedegi provızorlyq ortalyqtarda dári-dármektiń 20 kúndik qory bar. Qazirgi ýaqytta gýmanıtarlyq kómek te jetkizilip jatyr.
