Aqtóbede jabyq bazarlar ishki tártipke saı jumysyn qaıta jandandyrdy
Aqtóbe oblysynyń bas sanıtarııa dárigeriniń qaýlysyna sáıkes bankter, halyqqa qyzmet kórsetý ortalyqtary men poshta bólimsheleri saǵat 09:00-18:00 aralyǵynda jumys isteıdi. Ashyq jobasyna engizilgen jazǵy alańdar, meıramhana, dámhana jáne kofehana tıpti qoǵamdyq tamaqtaný obektileri saǵat 07:00-den 24.00-ge deıin ashyq bolady.
«Dinı obektilerdiń jumysyna, ıaǵnı, meshit, pravoslav shirkeýi jáne basqa da dinı obektiler aýmaǵynda ujymdyq dinı is-sharalardy, onyń ishinde juma namazy, kúndelikti pravoslavııa duǵalary jáne basqa rásimdi ashyq aýada ótkizýge ruqsat. Tek betperde rejımi saqtalady. Bir adamǵa keminde 4 sharshy metr jer tıesili. Al jabyq úı-jaılarda ujymdyq is-sharany ótkizýge bolmaıdy. Teatr, kınoteatr, kontsert zaldary, fılarmonııalarda syıymdylyqtyń 20 paıyzynda ǵana kórermendi kirgizýge ruqsat beriledi. Ashyq aýada jumys isteıtin attraktsıondarda da sanıtarlyq talap saqtalýy tıis. Balalardy saýyqtyrý uıymdary da syıymdylyqtyń 50 paıyzymen adam qabyldaı alady. Ashyq jobasy arqyly sport jarystaryna jankúıerler kirgiziledi. Bazarlar, saýda úıleri, jeliler, dúkender, monshalar jáne t.b. jumysyna esh shekteý qoıylmaıdy», - dep habarlady oblystyq sanıtarııalyq-epıdemıologııalyq baqylaý departamentiniń baspasóz qyzmeti.
