Aqtóbede jabaıy qabandy uryp óltirgender jaýapkershilikke tartyldy
AQTÓBE. QazAqparat - Aqtóbede kólikpen jabaıy qabandy jaralap, kúrekpen urǵan eki kúdikti qolǵa tústi, dep habarlaıdy QazAqparat tilshisi.
Aqtóbelik polıtseıler jabaıy janýarǵa qatygezdik jasap, ony beınekameraǵa túsirip, taratqan kúdiktilerdi ustady.
«Aqtóbe oblysynyń tabıǵatty qorǵaý polıtsııasy áleýmettik jelige monıtorıng jasap, »Lada-21214« kóligimen jabaıy janýardy soǵyp, kúrekpen qatty uryp óltirgenderdi anyqtady. Vıdeo Alǵa aýdanynyń aýmaǵynda túsirilgen. Eki kúdikti kinásin moıyndady. Olar Alǵa qalasynan shamamen 25 shaqyrym jerde jabaıy janýardy qaǵyp, jol jıegine qaraı qashqanda kólikpen qýyp jetip, kúrekpen óltirgenin aıtty», - dep habarlady oblystyq PD baspasóz qyzmeti.
Aıta keteıik, Qylmystyq kodekstiń «Zańsyz ań aýlaý jáne janýarlarǵa qatygez qaraý» baby boıynsha sotqa deıingi tergeý amaldary júrgizildi.
