Aqtóbede zeınetkerler atynan zaımnan aqsha alǵan bank menedjeri ustaldy

AQTÓBE. KAZINFORM - Qazirgi kezde 6 jábirlenýshi aryz túsirdi. Bank menedjeri qamaýǵa alyndy.

Aqtóbe oblystyq polıtsııa departamentiniń habarlaýynsha, birneshe turǵyn ózderiniń atynan aqsha rásimdelgenin aıtyp, aryz túsirdi. Keıin tergeý jumystary júrgizildi.

- Tergeý barysynda bank menedjeri nesıe tólemin qabyldaý kezinde klıentterdiń atynan zaım rásimdegeni belgili boldy. Ol zeınetkerlerdiń esepshotyna túsken aqshany ózi alyp otyrǵan. Qazirgi kezde alty jábirlenýshi bar. Kúdikti óz kinásin moıyndady,- dep habarlady oblystyq PD baspasóz qyzmeti.

Qylmystyq kodekstiń «Alaıaqtyq» baby boıynsha is qozǵaldy. Ázirge erli-zaıypty eki adamnyń shyǵyny 3 mln teńgege jýyqtaıdy.

Aıtyp óteıik, SQO-da bıyl 600-ge jýyq ınternet-alaıaqtyq deregi tirkeldi. Petropavl turǵyny ınternet-alaıaqtarǵa aldanyp, 5 mln teńgeden astam aqshasynan aıyryldy.