Aqtóbede zeınetkerdi kólik qaǵyp ketti
AQTÓBE. QazAqparat - Aqtóbede zeınetkerdi kólik qaǵyp ketti. Ol aýrýhanada kóz jumdy, dep habarlaıdy QazAqparat tilshisi.
Oqıǵa 9-qarasha kúni saǵat 15.40-ta tirkeldi. «Lada Kalina» markaly avtokóliginiń 23 jastaǵy júrgizýshisi Arynov kóshesindegi «Domostroı» saýda úıine qarama-qarsy baǵytta 74 jastaǵy zeınetkerdi qaǵyp ketti.
«Jol-kólik oqıǵasy saldarynan jaıaý júrginshi Aqtóbe qalasynyń jedel medıtsınalyq kómek aýrýhanasyna jetkizildi. Zeınetker jansaqtaý bóliminde kóz jumdy. Qylmystyq kodekstiń «Jol qozǵalysy erejesin buzý» baby boıynsha sotqa deıingi tergeý júrgizilip jatyr»,- dedi oblystyq Polıtsııa departamenti baspasóz qyzmetiniń jetekshisi Erbolat Sarqulov.
Jyl basynan beri oblys aýmaǵynda jaıaý júrginshilerdiń qatysýymen 152 jol-kólik oqıǵasy tirkeldi. Onda 14 adam qaza taýyp, 141 adam túrli dene jaraqatyn aldy.
