Aqtóbede zeınetker 10 kúnnen beri tabylmaı jatyr
AQTÓBE. QazAqparat – Aqtóbede 63 jastaǵy zeınetker sharýa qojalyǵynan shyǵyp, habarsyz ketken, dep habarlaıdy QazAqparat tilshisi.
Jibek Áıtimbetova 10 qyrkúıek kúni Aqtóbe oblysy, Baıǵanın aýdanyndaǵy «Turabaı» sharýa qojalyǵynan Qaraýylkeldi aýylyna baǵyt alyp, iz-túzsiz ketken. Óz úıinen shyǵyp, 30 shaqyrym qashyqtyqta ornalasqan aýdan ortalyǵyna bet alǵan zeınetkerdi sol kúnnen beri polıtsııa, aýyl adamdary, týystary, eriktiler izdep jatyr. Biraq esh habar joq.
«Baıǵanın aýdandyq polıtsııa qyzmetkerlerine oblystyq PD-nen taǵy 40 adam qosyldy. Іzdeý jumystaryna kınolog jiberilip, 130-dan astam erikti jumyldyrydy. Biraq nátıje joq. Memlekettik qyzmetkerler men jastar da qosyldy. Sharýa qojalaǵy men 25-30 shaqyrym qashyqtyqtyń bárine baryp, qarap shyqty. Barlyǵy 200-den astam adam men 15 kólik jiberilip, dronda ushyryldy», - dedi oblystyq PD baspasóz qyzmetiniń jetekshisi Erbolat Sarqulov.
Aıta keteıik, Nur – Sultan, Almaty, Shymkent jáne kórshiles Reseı oblystaryna da aqparat berildi. Muǵaljar, Temir, Shalqar aýdandyq polıtsııa bólimderi de izdep jatyr.
