Aqtóbede zaýyttaǵy qaıǵyly jaǵdaıǵa baılanysty bólim basshysy qamaldy
AQTÓBE. QazAqparat – Aqtóbe hrom qosyndylary zaýytyndaǵy 4 jumysshynyń ólimine qatysty qylmystyq is qozǵaldy. Búgin birneshe jaýapty basshy qamaldy, dep habarlaıdy QazAqparat tilshisi.
Aqtóbe hrom qosyndylary zaýytyndaǵy №4 tsehta 4 jumysshy kóz jumyp, ekeýi aýrýhanaǵa jatqyzyldy. Al búgin birneshe basshynyń qylmystyq is boıynsha qamaýǵa alynǵany habarlandy.
«Qylmystyq kodekstiń «Abaısyzda eki nemese odan da kóp adamnyń ólimine ákep soqqan eńbekti qorǵaý erejelerin buzý» baby boıynsha is qozǵady. «Gıdroksıl» hımııalyq suıyqtyǵyna arnalǵan 50 tekshe metrlik syıymdylyqty tazalaý kezinde qaýipsizdik erejesi saqtalmaǵan. QR QІJK 128-baby boıynsha kúdikti retinde ýchaske sheberi, bólim bastyǵy jáne № 4 tseh bastyǵy ustaldy. Úsh adamǵa qatysty «kúzetpen ustaý» bultartpaý sharasy taǵaıyndaldy», - dedi oblystyq PD baspasóz qyzmetiniń jetekshisi Erbolat Sarqulov.
Qazir saraptamalar taǵaıyndaldy. Qaýipsizdik tehnıkasy boıynsha qujattar, jýrnaldary, laýazymdyq nusqaýlyqtar alyndy.
