Aqtóbede zaýyt aýmaǵynda kúıdirilgen tas kómir qoımasy órtendi
AQTÓBE. QazAqparat - Aqtóbede zaýyt aýmaǵynda órt shyqty. Metallýrgııa peshterine otynǵa qoldanatyn kúıdirilgen tas kómir qoımasy jandy, dep habarlaıdy QazAqparat tilshisi.
Búgin saǵat 14:15-te kezekshi bólimge habarlama túsip, Aqtóbe ferroqorytpa zaýyty aýmaǵyna órt sóndirýshiler jiberildi.
Munda metallýrgııa peshterine otynǵa qoldanatyn kúıdirilgen tas kómir qoımasy jandy.
Órt sóndirýge 9 tehnıka men 35 adam jiberildi.
Sonymen birge jeke órt sóndirý qyzmetinen 2 tehnıka jáne 8 adam kómektesti.
Órt 15:30-de sóndirildi.
«Otqa oranǵan qoımanyń aýdany - 250 sharshy metr. Adam shyǵyny joq. Oblystyq TJD órt qaýipsizdigi erejesin qatań saqtaýǵa, órt tirkelse 101, 112 telefon nómirine habarlasýǵa shaqyrady»,- dedi oblystyq TJD baspasóz qyzmeti.
