17:28, 10 Maýsym 2016 | GMT +6
Aqtóbede zardap shekkenderdiń biri sanavıatsııamen Astanaǵa jiberiledi
ASTANA. QazAqparat - Aqtóbede lańkestikten zardap shekkenderdiń biri respýblıkalyq sanıtarlyq avıatsııa jelisi boıynsha Ulttyq neırohırýrgııa ortalyǵyna (Astana qalasy) jetkiziledi. Naýqas 5 maýsymda aýrýhanaǵa jatqyzylǵan, dep habarlady QR DSÁDM baspasóz qyzmeti.
«Búgin 2016 jylǵy 5 maýsymda aýrýhanaǵa jatqyzylǵandardyń biri respýblıkalyq sanıtarlyq avıatsııa jelisi boıynsha Astanadaǵy Ulttyq neırohırýrgııa ortalyǵyna jetkiziledi», - delingen habarlamada.
Budan buryn habarlanǵandaı, ekstremısterdiń shabýyldaýyna baılanysty oqys oqıǵa saldarynan aýrýhanaǵa jatqyzylǵan 23 zardap shekkenderdiń beseýi úıine shyǵaryldy. Aýrýhanada 16 adam em qabyldaýdy jalǵastyrýda.
