Aqtóbede zańsyz jumys istep turǵan býkmekerlik keńseler anyqtaldy
AQTÓBE. QazAqparat - Aqtóbede zańsyz jumys istep turǵan 4 býkmekerlik keńse anyqtaldy, dep habarlaıdy QazAqparat tilshisi.
Aqtóbe oblystyq polıtsııa departamenti Uıymdasqan qylmysqa qarsy kúres basqarmasynyń qyzmetkerleri jyl basynan beri zańsyz jumys istep turǵan 4 býkmekerlik keńseni anyqtady.
«14 qańtar kúni polıtsııa Aqtóbe qalasynyń Ábilqaıyr han dańǵyly boıynda zańsyz jumys istep turǵan býkmekerlik keńseni anyqtady. Kassır-operatorlar ustalyp, zattaı aıǵaq retinde 6 júıelik blok, 3 skaner men 226 myń teńge tárkilendi. Taǵy bir derek. Uıymdasqan qylmysqa qarsy kúres basqarmasynyń qyzmetkerleri dámhana ishinen oıyn klýbyn anyqtady. Munda da 3 júıelik blok pen aqsha tárkilendi», - dep habarlady oblystyq polıtsııa departamentiniń baspasóz qyzmeti.
Jınalǵan derekter oblystyq memlekettik kirister departamentiń ekonomıkalyq tergeý qyzmetine joldandy.
