Aqtóbede zańsyz jumys istegen dinı birlestik anyqtaldy
AQTÓBE. QazAqparat - Aqtóbede qalanyń eski aýdanyndaǵy jekemenshik úılerdiń birin tekserý barysynda zańsyz jumys istep jatqan evangel hrıstıan baptısteri dinı birlestigi anyqtaldy.
Oblystyq prokýratýranyń baspasóz qyzmeti habarlaǵandaı, atalmysh birlestik memlekettik tirkeýden ótpegen. Tártip saqshylary barǵan kezde, úıde bala-shaǵalarymen 70-ke jýyq adam bolǵan. Polıtseıler 43 dinı kitap taýyp, olarǵa dinı saraptama taǵaıyndaldy. Sondaı-aq úıdiń bir bóligi dinı rásimder men jorǵalǵylar ótkizýge arnalyp jabdyqtalǵan.
Qazirgi ýaqytta atalǵan fakti boıynsha qosymsha tekserý júrgizilýde. Tirkelmegen dinı birlestikke basshylyq etip, oǵan qatysqany úshin kináli tulǵalardy Ákimshilik quqyqbuzýshylyq týraly kodekstiń 374-baby boıynsha ákimshilik jaýapkershilikke tartý máselesi qaralýda. Bapta 100 AEK-ke deıin ákimshilik aıyppul salý kózdelgen.
