Aqtóbede zańsyz munaı ónimderin tasymaldaǵandar aıyppul tóledi
AQTÓBE. QazAqparat - Aqtóbe oblysy, Qandyaǵash kólik prokýratýrasy zańsyz munaı tasymaldaǵan derekti anyqtady. Ákimshilik is qozǵalyp, 30 mıllıon teńge aıyppul salyndy. Munaı ónimi tárkilendi, dep habarlaıdy QazAqparat tilshisi.
Qandyaǵash kólik prokýratýrasy «Qazaqstan temir joly» UK» AQ Aqtóbe oblysy fılıalynyń jumysyn tekserip, birneshe zańsyzdyqty anyqtady. 2015-2017 jyldary aralyǵynda munaı ónimderin qujatsyz tasymaldaýdyń 33 deregi belgili boldy. Máselen, Qandyaǵash paıdalaný lokomotıv deposy «TEK Qazaqstan» JShS qoımasynan Áıteke bı jáne Nıkeltaý stansasyna 143 myń tonnadan astam dızeldi otyndy avtokólikpen jóneltedi. Biraq dızeldi otyn tasymaldaýǵa qajetti qujat rásimdelmegen.
«Munaı ónimderin tasymaldaý kezinde arnaıy qujattary bolýy kerek. Tasymaldaýshylar ákimshilik quqyq buzýshylyq jasady. Barlyǵy 33 ákimshilik is qozǵalyp, 30 mıllıon teńgeden astam aıyppul salyndy. Sonymen qatar, munaı ónimi tárkilendi. Qazirgi ýaqytta ákimshilik aıyppul tolyq óteldi»,- dep habarlady Qandyaǵash kólik prokýratýrasy.
