Aqtóbede zańsyz qarý aınalymy tekserildi
AQTÓBE. QazAqparat - Aqtóbede sharýa qojalyqtary tekserilip jatyr. «Qarý» aldyn-alý sharasyna 400-den astam polıtsııa qyzmetkerleri jumyldyryldy, dep habarlaıdy QazAqparat tilshisi.
Aqtóbede urlanǵan jáne joǵalǵan qarý-jaraqty izdeý maqsatynda «Qarý» aldyn-alý sharasy ótip jatyr. Barlyǵy 33 jumys toby qurylyp, polıtsııa qyzmetkerleri sharýa qojalyqtaryn tekserip, joǵalǵan bir qarýdy tapty.
«Polıtsııa qyzmetkerleri 200-den astam sharýa qojalyǵyn tekserip, zańsyz aınalymnan 6 tegis uńǵyly qarý alyndy. Tekserý kezinde joǵalǵan 1 qarý tabyldy. «Qarý» aldyn-alý sharasy kezinde polıtsııa qyzmetkerleri Baıǵanın aýylyndaǵy aýyl turǵynynan belgisiz markili tirkelmegen myltyqty tárkiledi»,- dedi oblystyq ІІD-niń baspasóz qyzmetkeri Nurgúl Qonaqbaeva.
Tekserý kezinde qarýdy saqtaý, tirkeý jáne esepke alý erejesin buzǵan 228 derek anyqtalyp, olar ákimshilik jaýapkershilikke tartyldy.
Aıta keteıik, Aqtóbede búgin qarý satyp alý aktsııasy bastaldy. Aktsııa kezinde kez kelgen turǵyn ákimshilik, qylmystyq jaýapkershilikten bosatylady. Belgili bolǵany, travmatıkalyq, gaz jáne teris uńǵyly qarý tapsyrǵandar 10 aılyq eseptik kórsetkish kóleminde aqsha ala alady.
