Aqtóbede zańsyz balyq satqan polıtseıler sottalmaq
AQTÓBE. QazAqparat - Aqtóbede izdeý jarııalanǵan polıtsııa qyzmetkeri Marat Baevqa qatysty qylmystyq is tergelip, sotqa jiberildi, dep habarlaıdy QazAqparat tilshisi.
Aqtóbe burynǵy polıtsııa qyzmetkerine izdeý jarııalady. Buǵan deıin habarlaǵanymyzdaı, Memlekettik qyzmet isteri jáne sybaılas jemqorlyqqa qarsy is-qımyl agenttiginiń Aqtóbe oblysy boıynsha departamenti 42 jastaǵy Marat Baev týraly kez kelgen aqparatqa syıaqy taǵaıyndaǵan bolatyn. https://kaz.inform.kz/news/aktobede-buryngy-policiya-kyzmetkerine-izdeu-zhariyalandy_a3070334 Al búgin Aqtóbe oblysy prokýratýrasynyń apparat jetekshisi Jasulan Dáýlembaev istiń sotqa jiberilgenin habarlady.
«Ókilettiligin asyra paıdalanǵan Aqtóbe oblystyq ІІD Uıymdasqan qylmysqa qarsy kúres basqarmasynyń qyzmetkerlerine qatysty qylmystyq is sotqa jiberildi. Uıymdasqan qylmysqa qarsy kúres basqarmasynyń 5 qyzmetkerine «zańsyz balyq tasymaldaǵan kúdiktilerdi anyqtap, qylmystyq jaýapkershilikten bosatý úshin aqsha bopsalap, tárkilegen ónimdi basqa adamdarǵa satyp jiberdi» degen aıyp taǵyldy. Aıyptalýshylar arasynda Uıymdasqan qylmysqa qarsy kúres basqarmasy bastyǵynyń orynbasary, eki bólim bastyǵy men birneshe polıtsııa qyzmetkeri bar. Kúdiktilerdiń úsheýi ýaqytsha tergeý ızolıatorynda otyr, bireýi úıqamaqta. Bireýi tergeý kezinde qashyp ketip, izdeý jarııalandy. Bul týraly Memlekettik qyzmet isteri jáne sybaılas jemqorlyqqa qarsy is-qımyl agenttiginiń Aqtóbe oblysy boıynsha departamenti habarlady»,- dedi Aqtóbe oblysy prokýratýrasynyń apparat jetekshisi Jasulan Dáýlembaev.
