Aqtóbede zańsyz aınalymnan 20 qarý tárkilendi
AQTÓBE. QazAqparat - Aqtóbede «Qarý» jedel-aldyn alý sharasy kezinde 20 qarý zańsyz aınalymnan alyndy, dep habarlaıdy QazAqparat tilshisi.
Oblys aýmaǵynda 1-15 qazan aralyǵynda «Qarý» jedel aldyn-alý sharasy ótti. Іs-sharanyń basty maqsaty - azamattyq jáne qyzmettik qarý aınalymyn baqylaý. Barlyǵy 8 370 qarý ıesi tekserildi. Qarýdy zańsyz saqtaǵany, qarýdy saqtaý jáne alyp júrý erejesin buzǵany úshin 243 ákimshilik quqyq buzýshylyq anyqtaldy.
«Zańsyz aınalymnan 20 qarý tárkilendi. Mysaly Keńes Nokın aýylyndaǵy 44 jastaǵy turǵynynyń qorasynan 16 kalıbrli qos aýyz ańshy myltyǵy tabyldy. Atalǵan fakti boıynsha Qylmystyq kodekstiń 287-baby 3-bóligimen is qozǵalyp, tergeý júrgizilýde. Sondaı-aq, QR UQK Shekara qyzmetimen birlesip, Jaısań shekara beketinde avtokólikti tekserý barysynda 2 elektroshoker tabyldy. Barlyǵy 50 dana sýyq qarý tárkilendi», - dedi oblystyq PD baspasóz qyzmetiniń jetekshisi Erbolat Sarqulov.
