Aqtóbede zańsyz jumys istegen dúńgirshekter alynyp jatyr

AQTÓBE. KAZINFORM – Aqtóbe qalasynda túrli jemis-jıdek, kondıterlik ónimder men fast-fýd daıyndaıtyn dúńgirshekter alyndy.

Aqtóbe qalasy kóshilerindegi dúńgirshekterdiń qujattary tekserilip jatyr. Olardyń arasynda jalǵa alý merzimi aıaqtalǵan, soǵan qaramastan túrli taýar satyp otyrǵan saýda oryndary bar.

- Adamdar dúńgirshekti ózderi qoıyp alǵan. Olarda qujat joq. Al taǵy biriniń jalǵa alý merzimi aıaqtalǵan. Talap boıynsha Aqtóbe qalalyq kásipkerlik bólimine kelip, qoldaný merzimin sozdyrý úshin ótinish jazýy tıis. Dúńgirshekterdi aıyppul ornyna aparylady. Al ıeleri «kóshege qoımaımyz» dep kepilhat jazýy tıis. Sol kezde dúńgirshekter ıelerine beriledi, - dedi Ýrbanıstıka ortalyǵy basshysynyń orynbasary Shynbolat Oryntaı.

Byltyr 160-qa jýyq dúńgirshek alyndy. Jyl basynan beri 10-nan astam saýda núktesi arnaıy júk kóligimen aıyppul alańyna jetkizildi.

Buǵan deıin habarlaǵanymyzdaı, Aqtaýda aıaldamada salynyp jatqan qurylys zańsyz bolyp shyqty.