Aqtóbede zańsyz páter taratqan sheneýnik 6 jylǵa sottaldy

ASTANA. KAZINFORM — Aqtóbede memlekettik turǵyn úıdi zańsyz bólýge baǵyttalǵan sybaılas jemqorlyq shemasynyń joly kesildi. Prokýratýra dereginshe, kezekte turmaǵan azamattarǵa páter berý faktileri anyqtalyp, kináli tulǵa 6 jylǵa bas bostandyǵynan aıyryldy. Bul týraly prokýratýra jazdy.

— Aqtóbe oblysy prokýratýrasymen memlekettik turǵyn úı qorynan turǵyn úılerdi zańsyz berý shemasyna jol berilmedi. Anyqtalǵany, «Aqtóbe qalasynyń turǵyn úı qatynastary bólimi» MM-niń burynǵy basshysy laýazymdyq ókilettikterin teris paıdalana otyryp, kezekte turmaǵan tulǵalarǵa páter bólýdi uıymdastyrǵan, — dep habarlady quzyrly organnan.

Tizimge zańsyz 15 azamattar engizilgen. Shema boıynsha bastapqyda turýǵa jaramsyz turǵyn úılerdi berip, keıin olardy jaıly páterlerge aýystyryp, turǵyn úı komıssııasymen zańsyz sheshimder qabyldaý arqyly júzege asyrylǵan.

Páterler jekeshelendirilgen jáne satylǵan, bul paıdakúnemdik nıetin rastaıdy. Aǵymdaǵy jyldyń 29 sáýirinde, Aqtóbe qalasynyń № 2 sotynyń úkimimen kináli tulǵa 6 jylǵa bas bostandyǵynan aıyryldy. Sybaılas jemqorlyqtyń aldyn alý jumystary jalǵasady.

Buǵan deıin «páter alyp beremin» degen jeleýmen oraldyqtardy 7,5 mln teńgege aldaǵan alaıaq sottalǵan bolatyn.