Aqtóbede zańsyz qoqys alańdaryn ýaqytyly tazartpaǵan ákimdik qyzmetkerleri jaýapqa tartyldy
AQTÓBE. KAZINFORM — Bıyl ǵaryshtyq túsirilim kezinde 119 qoqys alańy anyqtaldy. Ákimdik tek úshten birin ǵana jınap úlgergen.
Aqtóbe oblystyq ekologııa departamentiniń habarlaýynsha, 2026 jyly Aqtóbe qalasy men 5 aýdan aýmaǵynda 119 qoqys alańy anyqtaldy. Munyń bárin belgisiz bireýler ruqsaty joq jerge tastap ketken.
— Aqtóbe qalasynyń Almaty jáne Astana aýdany, Alǵa, Mártók, Muǵaljar, Hromtaý jáne Qarǵaly aýdandarynda anyqtalǵan qoqys alańynyń 37-si joıyldy, ıaǵnı 31%-y. Qoqysty ýaqtyly joımaǵany úshin Aqtóbe qalasy, qaladaǵy Almaty jáne Astana aýdandarynyń jáne Mártók, Baıǵanın aýdandarynyń, sondaı-aq turǵyn úı-kommýnaldyq sharýashylyq bóliminiń laýazymdy tulǵalaryna jalpy somasy 300 myń teńgeden astam aıyppul salyndy. Oblys boıynsha ǵaryshtyq baqylaý qarasha aıyna deıin júrgiziledi, — dep habarlady Aqtóbe oblystyq ekologııa departamenti.
Eske salsaq, byltyr ǵaryshtyq túsirilim kezinde oblys aýmaǵynda 155 qoqys orny anyqtaldy. Ǵarysh túsirilimi kezinde anyqtalǵan qoqys alańdaryn tazartýǵa 300 mln teńge jumsaldy.
