Aqtóbede zańsyz aktıv esebinen salynǵan dárigerlik ambýlatorııa paıdalanýǵa berildi

ASTANA. KAZINFORM — Jańa medıtsınalyq nysan 25 kelýshini qabyldaýǵa arnalǵan, ol aýyl turǵyndaryna oblys ortalyǵyna barmaı-aq, jergilikti jerde alǵashqy medıtsınalyq-sanıtarlyq kómek alýǵa múmkindik beredi. Bul týraly oblystyq prokýratýranyń baspasóz qyzmeti habarlady.

Memleket basshysynyń tapsyrmasyna sáıkes prokýratýra organdarymen zańsyz ıemdelgen aktıvterdi qaıtarý esebinen elimizde kóptegen áleýmettik nysan salynyp, paıdalanýǵa berilip jatyr. 

Osynyń sheńberinde Aqtóbe oblysy Qobda aýdany Begaly aýylynda jańa dárigerlik ambýlatorııanyń ashylý saltanaty ótti.

Іs-sharaǵa Qobda aýdanynyń ákimi, aýdan prokýrory, memlekettik organdardyń, qoǵam ókilderi jáne jergilikti turǵyndar qatysty.

— Jańa medıtsınalyq nysan 25 kelýshini qabyldaýǵa arnalǵan, ol aýyl turǵyndaryna oblys ortalyǵyna barmaı-aq, jergilikti jerde alǵashqy medıtsınalyq-sanıtarlyq kómek alýǵa múmkindik beredi. Dárigerlik ambýlatorııada turǵyndarǵa kórsetiletin qyzmetter, dıagnostıkalyq qural-jabdyqtar, bilikti mamandardyń jumysy — barlyǵy da turǵyndardyń densaýlyǵyn jaqsartýǵa baǵyttalǵan. Bul jobany iske asyrý — aýyl halqynyń ál-aýqatyna, densaýlyǵyna degen memleket qamqorlyǵynyń aıǵaǵy, — delingen habarlamada.

Osyǵan deıin Aqmola oblysynda sýmen jabdyqtaý jelilerin salýǵa zańsyz aktıvter esebinen 21,5 mlrd teńge bólingenin jazǵanbyz.