Aqtóbede zań ınstıtýtyna «bomba» qoıǵan adam 1,3 mln rýbl suraǵan
AQTÓBE. QazAqparat – M.Bókenbaev atyndaǵy QR ІІM Aqtóbe zań ınstıtýtynyń elektrondy poshtasyna ǵımarat ishinde jarylǵysh zat bar ekeni týraly habarlama tústi. Polıtsııa tekserý júrgizdi, dep habarlaıdy QazAqparat tilshisi.
«Instıtýttyń elektrondy poshtasyna jarylǵysh zattardyń qoıylǵany jáne RF bankteriniń biriniń kartasyna 1,3 mln rýbl aýdarý talaby týraly habarlama tústi. Barlyq shuǵyl qyzmetter dereý oqıǵa ornyna jetti. Kýrsanttar men oqytýshylardy, jumysshylardy evakýatsııalaý uıymdastyryldy. Barlyǵy 474 adam evakýatsııalandy. Arnaıy bólimshe saperleri jarylys qurylǵylaryn anyqtaý úshin ǵımaratqa tekserý júrgizdi. Jarylǵysh qurylǵy tabylǵan joq», - dedi oblystyq PD baspasóz qyzmetiniń jetekshisi Erbolat Sarqulov.
Qazir QR QK «Terrorızm aktisi týraly kórineý jalǵan habarlaý» baby boıynsha sotqa deıingi tergeý bastaldy. Osy baptyń sanktsııasy boıynsha bes jylǵa deıin bas bostandyǵynan aıyrý jazasy qarastyrylǵan. Qazirgi kezde oblystyq polıtsııa departamenti kúdiktini anyqtaýǵa jáne ustaýǵa baǵyttalǵan jedel is-sharany jalǵastyryp jatyr.
Eske salsaq, buǵan deıin Aqtóbe qalasyndaǵy №51 mektep-gımnazııasyna eki ret osyǵan uqsas habarlama túsken bolatyn. Kúdikti áli anyqtalmady.
