Aqtóbede volonter memqyzmetshilerdiń pýly qurylady

AQTÓBE. QazAqparat – Aqtóbede memlekettik qyzmetshiler volonterler qataryna qosylyp, qoǵamdyq jumysty kúsheıtedi, dep habarlaıdy QazAqparat tilshisi.

Memleket basshysy Qasym-Jomart Toqaev korporatıvtik volonterlikti damytýdy tapsyrǵan bolatyn. Qazirgi ýaqytta memlekettik mekemeler men ulttyq kompanııalar bastamany qoldap, jumysty bastap ketti. Aqtóbede erlikterdiń pýly qurylady. Volonter bolýǵa eshkim májbúrlemeıdi, qatarǵa belsendi azamattyq ustanymy bar memlekettik qyzmetshiler alynady. Olar kez kelgen qoǵamdyq sharaǵa erikti túrde qatysyp, negizgi jumysyn qatar alyp júredi.

«Bastamaǵa qoldaý kórsetilip, jumyla jumys isteýge daıyn otyr. Memlekettik qyzmetshiler qoǵamnyń bir bóligi retinde áleýmettik-qoǵamdyq máselelerdi sheshýden tys qalmaýy tıis. Ózim osy pýlǵa kirýge daıynmyn jáne ıgi ister jasaýǵa áriptesterimdi de shaqyramyn», - dedi Aqtóbe oblystyq Memlekettik qyzmet iseri departamenti basshysynyń orynbasary Rafhat Bısenov.

Aıta keteıik, «Memlekettik qyzmet týraly» Zańǵa sáıkes memlekettik qyzmetke ornalasý kezinde konkýrstyq komıssııa volonterlik, qaıyrymdylyq qyzmetti júzege asyratyn azamattardy eskeredi.