Aqtóbede vırýs anyqtalǵan kópqabatty úılerdiń turǵyndary test tapsyrýda
AQTÓBE. QazAqparat – Aqtóbede koronavırýs ınfektsııasyna shaldyqqan naýqastarmen bir turǵyn úıde turatyn adamdar ekspress-test tapsyrýda, dep habarlaıdy QazAqparat tilshisi.
«Jedel test Aqtóbege jetkizildi. Naýqas adamdar turǵan kópqabatty úıdiń turǵyndarynan analız alynyp jatyr. Kórshileri jedel test tapsyrdy. Jumys keshe bastaldy, búgin jalǵasyp jatyr», - dedi oblystyq Densaýlyq saqtaý basqarmasynyń basshysy Áset Qalıev áleýmettik jelide ótken tikeleı efır kezinde.
Aıta keteıik, Aqtóbe qalasynda kópqabatty úılerdiń tórt podezi jabyq tur. Ol úılerde shamamen 126 turǵyn baqylaýǵa alyndy. Aqtóbe oblysynyń bıligi barlyǵy 24 myń jedel testke tapsyrys berip, satyp alǵan bolatyn.
Sońǵy málimetter boıynsha, óńirde vırýsty juqtyrǵandardyń jalpy sany – 25 adam.
