Aqtóbede veterınarııalyq stansa men pýnkt salýǵa mıllıardtar jumsalady
AQTÓBE. KAZINFORM — Eki jylda veterınarııa salasyna 4,6 mlrd teńge jumsalady. 3 veterınarııalyq stansa, 107 veterınarııalyq pýnkt, 57 mal kómindisi salynady.
Aqtóbe oblystyq veterınarııa basqarmasynyń basshysy Aıbek Sembaıdyń aıtýynsha, 2026–2027 jyldary respýblıkalyq bıýdjetten 4,6 mlrd teńge transfert bólinedi. Bul qarjyǵa 3 veterınarııalyq stansa, 107 veterınarııalyq pýnkt, 57 mal kómindisi salynady.
— Bıyl 3 modýldi veterınarııalyq stansa, 77 veterınarııalyq pýnkt jáne 28 tıptik úlgidegi mal qorymyn salý josparlanǵan. 2027 jylǵa 30 veterınarııalyq pýnkt jáne 29 tıptik mal qorymy salynady. Búginde veterınarııalyq obektilerge jer telimin bólý jumystary aıaqtalyp, merdigerler anyqtaldy, qurylys jumystary júrgizilip jatyr, — dedi Aıbek Sembaı.
Búginde 37 veterınarııalyq pýnkt, 2 tıptik mal qorymy qurylysy tolyq aıaqtaldy.
Eske salsaıyq, 2026–2027 jyldary respýblıkalyq bıýdjet qarajaty esebinen veterınarııalyq ınfraqurylymnyń taǵy 2 399 nysanyn qurý josparlanyp otyr. 2026 jyly osy maqsattarǵa 36,3 mlrd teńge qarastyrylǵan.
