Aqtóbede vaktsınalaý aqpan aıynyń orta tusynda bastalady

AQTÓBE. QazAqparat – Aqtóbe oblysy boıynsha 1 myń medıtsına qyzmetkeri vaktsına qabyldaıdy. Qazir ekpeni jetkizý jumysy pysyqtalyp jatyr, dep habarlaıdy QazAqparat tilshisi.

Aqtóbe oblysynda vaktsınalaý jumysyna daıyndyq júrip jatyr.

«Qazir Aqtóbe oblysy «jasyl» aımaqta tur. Reseılik vaktsına Aqtóbe oblysyna shamamen aqpan aıynyń orta tusynda ákelinedi. Aldymen 1 myń medıtsına qyzmetkeri qabyldaıdy. Qazir jetkizý jumysyna daıyndyq júrip jatyr. Aýdandarǵa da tasymaldanady. Tońazytqysh ta daıyndalady. Jospar boıynsha Aqtóbe qalasyn aldymen qamtımyz», - dedi oblystyq densaýlyq saqtaý basqarmasynyń basshysy Rústem Isaev.

Aıta keteıik, oblys boıynsha barlyǵy 25 emdeý ornynda vaktsına salý uıymdastyrylady.