Aqtóbede vaktsına saldyrǵandar lotereıaǵa qatysyp, syılyǵyn aldy
AQTÓBE. QazAqparat - Aqtóbede alǵashqy utys oıynynyń jeńimpazdary anyqtaldy, dep habarlaıdy QazAqparat tilshisi.
Aqtóbede «Ekpe al da, avtokólik utyp al» aktsııasy jalǵasyp jatyr.
Negizgi utys - eki avtokólik .
Aktsııa 25 maýsymda bastaldy, 25 qyrkúıekte aıaqtalady.
Utys ár jeksenbide «Aqtóbe» telearnasynyń tikeleı efırinde oınatylady.
Smartfon, planshet, sporttyq velosıped pen robot-shańsorǵysh sııaqty syılyqtardy ıelengen 12 jeńimpaz anyqtaldy.
Olarǵa syılyqtaryn oblystyq densaýlyq saqtaý basqarmasynyń basshysy Rústem Isaev tabys etti.
«Aktsııa aıasynda barlyǵy 96 baǵaly syılyq oınatylady. Negizgisi - «Chevrolet» markaly eki avtokólik. 25-maýsymnan keıin Covid-19-ǵa qarsy ekpeniń birinshi komponentin alǵandar avtomatty túrde aktsııaǵa qatysýshy bolyp sanalatynyn atap ótý kerek. Ekpe alǵannan keıin olarǵa biregeı kod beriledi«,- dep habarlady oblys ákiminiń baspasóz qyzmeti.
