Aqtóbede vaktsına saldyrǵan 100 stýdenttiń oqý aqysyna jeńildik jasalady
Aqtóbedegi bedeldi oqý oryndarynyń biri búginde óz stýdentteri arasynda utys oıynyn jarııalady. Talap boıynsha 1 shilde men 15 tamyz aralyǵynda vaktsına saldyryp, áleýmettik jelidegi paraqshaǵa aty-jóni, stýdenttiń bilim alyp júrgen kýrsy, vaktsınatsııalaý pasporty jiberiledi. Utys jeńimpazy 15 tamyzdan keıin belgili bolady
«Koronavırýs ınfektsııasynyń taralý joldaryn kesý, aldyn alý úshin vaktsınanyń mańyzy zor. Osyǵan oraı Q.Jubanov atyndaǵy Aqtóbe óńirlik ýnıversıteti ekpe alý jumystaryn júıeli túrde júrgizip keledi. Ýnıversıtettiń professor-oqytýshylar quramy men stýdentteri ekpe alý jumystarynda belsendilik tanytyp jatyr. Q.Jubanov emhanasynda ekpe alý kabıneti úzdiksiz jumys jasap tur. Qazirgi málimetterge súıensek, professor-oqytýshylar quramyndaǵy 497 adamnyń 445-si, al 10 myńnan astam stýdenttiń 4 135-i ekpe aldy. Ýnıversıtette Ashyq júıesi qondyrylǵan. Ýnıversıtet saıtynda, áleýmettik jelilerde ekpeniń mańyzdylyǵy jaıynda materıaldar jarııalandy. Ýnıversıtet professor-oqytýshylary men stýdentteriniń qatysýymen vıdeorolık túsirildi»,- dep habarlady ýnıversıtettiń baspasóz qyzmeti.
Esterińizge sala keteıik, buǵan deıin QR Bilim jáne ǵylym mınıstri Ashat Aımaǵambetovtiń tapsyrmasy boıynsha ýnıversıtetter bilim alýshylar men qyzmetkerler arasynda vaktsınatsııany qoldaýdy yntalandyrý sharalaryn ázirlegen.
Sondaı-aq, vaktsına saldyrǵan JOO stýdentteri Ystyqkólge joldama utyp alǵanyn habarlaǵan edik.
