Aqtóbede úzdik jas ınspektorlar anyqtaldy
AQTÓBE. QazAqparat - Aqtóbede mektep oqýshylar arasynda jas ınspektorlar sleti ótti. Baıqaýǵa 170 oqýshy qatysty, dep habarlaıdy QazAqparat tilshisi.
Mektep oqýshylary demalysty qyzyqty ótkizip jatyr. Aqtóbede oblystyq jas ınspektorlar sleti ótti. Oǵan 12 komanda qatysty. Barlyǵy 170 oqýshy eki kún boıy sap túzep júrý, alǵyshqy medıtsınalyq kómek kórsetý, jol erejesimen tanysyp, kóshedegi qozǵalysty meńgerdi.
«Jas ınspektorlar sleti mektep oqýshylarynyń arasyndaǵy birlikti nyǵaıtyp, balalardyń damýyna úlken úles qosyp keledi. Oqýshylar polıtsııa qyzmetkerleriniń jumysymen tanysyp, jol erejesin jattaıdy, uǵynady. Jaz aıylarynda oqýshylar ata-ananyń qaraýynsyz, jeke júretinin eskersek, keıde olar abaısyzda jol-kólik oqıǵasyna tap bolyp jatady. Slet osy olqylyqtyń aldyn-alýǵa baǵyttalǵan. Bir qýantarlyǵy, jyl ótken saıyn baıqaýǵa qatysýshylar sany artyp keledi»,- dedi Aqtóbe oblystyq jergilikti polıtsııa qyzmetiniń ıývenaldy polıtsııa bóliminiń basshysy Aqtolqyn Óteshova.
Aıta keteıik, baıqaý kezinde 8 synaq berildi. Oqýshylar velosıped aıdap, tapqyrlar men bilgirler saıysyna qatysty. Úgit-nasıhat brıgadalarynyń konkýrsynda ártistik ónerlerin ortaǵa saldy. Eki kúnge sozylǵan jarysta Qobda aýdanynyń oqýshylary jeńiske jetti. Olar Shyǵys Qazaqstan oblysynda ótetin respýblıkalyq baıqaýda Aqtóbe namysyn qorǵaıdy.
