Aqtóbede ýyldyryq pen bekire satqan polıtsııa qyzmetkerleri sottaldy
AQTÓBE. QazAqparat - Aqtóbede laýazymdyq ókilettiligin asyra paıdalanǵan polıtsııa qyzmetkerleri sottaldy. Olar ýyldyryq pen bekire balyǵyn satý isine aralasqan, dep habarlaıdy QazAqparat tilshisi.
Aqtóbe qalalyq sotynda Іshki ister departamenti, Uıymdasqan qylmysqa qarsy kúres basqarmasynyń birneshe bólim basshysy men qyzmetkerlerine qatysty sot úkimi shyqty. Buǵan deıin habarlaǵanymyzdaı , olar - Uıymdasqan qylmystyq qarsy kúres basqarmasy bastyǵynyń orynbasary Abaı Davletov, basqarmanyń bólim bastyǵy Samat Nuǵmetjanov, jedel ýákil Nurlan Aqalasov, aǵa jedel ýákil Dáýren Kalının. Burynǵy polıtsııa qyzmetkerlerine Qylmystyq kodekstiń «Bılikti nemese laýazymdyq ókilettilikterdi asyra paıdalaný» baby boıynsha aıyp taǵyldy.
Olar bekire satý, satyp alý isine aralasyp, qala ýyldyryq satqandardy qorqytyp, aqsha talap etken. Búgin №2 qalalyq sotynda úkim shyqty. Uıymdasqan qylmystyq qarsy kúres basqarmasy bastyǵynyń orynbasary Abaı Davletov 7 jylǵa bas bostandyǵynan aıyryldy. Al basqarmanyń bólim bastyǵy Samat Nuǵmetjanov, jedel ýákil Nurlan Aqalasov, aǵa jedel ýákil Dáýren Kalınınge 6 jylǵa bas bostandyǵynan aıyrý jazasy taǵaıyndaldy. Sonymen qatar, olar sheninen aıyrylyp, jeke múlki tárkilendi. Sot jábirlenýshi Aıgúl Nurǵalıevaǵa 200 myń teńge moraldyq shyǵyn óteýge úkim etti.
Sot úkimi kúshine engen joq.
