Aqtóbede úıine oralmaǵan boıjetken jaldamaly páterden tabyldy
AQTÓBE. QazAqparat - Aqtóbede 17 jastaǵy aqtóbelik boıjetkendi izdeý jumysy júrgizildi, dep habarlaıdy QazAqparat tilshisi.
№3 qalalyq polıtsııa bóliminiń kezekshi bólimine qala turǵyny habarlasty. Ol 2004 jyly týǵan qyzynyń úıine oralmaǵanyn aıtty. Іzdestirý is-sharalaryna Aqtóbe qalasy PB qyzmetkerleri, polıtsııanyń keshendi kúshteri jáne krımınaldyq polıtsııa qyzmetkerleri jumyldyryldy. Ótinish túsken sátten bastap irgeles aýmaqtar, orman alqaptary, qaraýsyz qalǵan qurylys obektileri tekserildi. Іzdestirý sharalarynyń nátıjesinde 17 jastaǵy qyz tabyldy. Ol dostarymen birge jaldamaly páterde bolǵan.
«Bala úıinen birinshi ret habarsyz ketken kezinde ata-ana muqııat bolýy kerek. Sebebi ata-ana men bala arasyndaǵy qarym-qatynas óte mańyzdy. Balanyń pikirin bilgen durys. Sonymen qatar, ýaqytty joǵaltpaý úshin dereý polıtsııaǵa habarlasýy kerek. Joǵalǵan qyzdyń ata-anasy polıtsııaǵa tún ortasynda habarlasqan. Al ol ýaqytqa deıin óz betinshe izdeý jumystaryn júrgizgen», - deıdi Aqtóbe oblysy PD bastyǵy Atyǵaı Arystanov.
