Aqtóbede úıi órtenip ketken kópbalaly otbasyǵa ýaqytsha baspana beriledi
AQTÓBE. QazAqparat - Aqtóbede úıi janyp ketken kópbalaly otbasyǵa ýaqytsha baspana beriledi, dep habarlaıdy QazAqparat tilshisi.
Keshe, 21 aqpanda alty balasy bar Baıtóbetovterdiń úıi órtenip, otbasy baspanasyz qalǵan bolatyn. Órt bastalǵan kezde úıde 10, 5 jáne 2 jastaǵy balalar ǵana bolǵan. Olar kıimsiz dalaǵa júgirip shyqqan.
«Úıde órt qaýipsizdigi erejesi saqtalmaǵan. Sondyqtan memleket tarapynan úı berý qarastyrylmaıdy. Degenmen, otbasyn aldymen ýaqytsha baspanaǵa ornalastyramyz. Keıin jóndeý jumystary demeýshilerdiń kómegimen júrgiziledi», - dedi Aqtóbe qalasy ákimi apparatynyń áskerı jumyldyrý jumystary, azamattyq qorǵanys jáne tótenshe jaǵdaılar bóliminiń basshysy Bekbolat Nurashev.
