Aqtóbede úıdegi órtten bir adam qaza bolyp, ekeýi zardap shekti
AQTÓBE. QazAqparat - Aqtóbede eki qabatty úıden órt shyǵyp, 36 jastaǵy er adam mert boldy, dep habarlaıdy QazAqparat tilshisi
Búgin saǵat 15:48-de Aqtóbe qalasy Narımanov kóshesindegi úı órtendi. Habarlama túsken boıda qalalyq órt sóndirý bóliminiń jeke quramynan 21 adam, 4 tehnıka attandyryldy.
«Órt sóndirýshilerdiń jáne qutqarýshylardyń kómegimen aman qalǵan 48 jastaǵy áıel jáne 61 jastaǵy er adam medıtsına qyzmetkerleriniń kómegine júgindi. Boljam boıynsha olar gazdan ýlanǵan. Ekeýi de oblystyq jedel járdem aýrýhanasyna jetkizildi. Sondaı-aq órtengen úı ishinen 1984 jylǵy er adamnyń múrdesi tabyldy. Órt saǵat 17.45-te sóndirildi. Órttiń shyǵý sebebi anyqtalyp jatyr. Aqtóbe oblysynyń TJD órt qaýipsizdigi erejelerin qatań saqtaý qajettigin eskertedi. Órt shyqqan jaǵdaıda dereý 101, 112 telefondaryna qońyraý shalyńyz», - dep habarlady oblystyq TJD baspasóz qyzmetinen.
