Aqtóbede uıaly telefon salonyna qaraqshylyq shabýyl jasaldy
AQTÓBE. QazAqparat - Aqtóbede eki adam uıaly telefon salonyna qaraqshylyq shabýyl jasady, dep habarlaıdy QazAqparat tilshisi.
Búgin saǵat 09:20-da Aqtóbe qalasynyń Shernııaz jáne Ýálıhanov kósheleriniń qıylysynda ornalasqan uıaly telefon dúkenine qaraqshylyq shabýyl jasaldy. Belgisiz eki adamnyń biri medıtsınalyq betperde kıip, ekinshisi bas kıimmen júrgen. Bireýi pyshaqpen, ekinshisi tapanshaǵa uqsas qarýmen kelip, dúken qyzmetkerlerin qorqytyp, uıaly telefondardy alyp ketken.
«Tártip saqshylary oqıǵa ornyna dereý jumyldyryldy. Alynǵan baǵyttamaǵa saı jedel izdestirý sharalary barysynda kúdiktilerdiń júrgen jeri anyqtaldy. Eki saǵat ishinde «Mádenıe» saýda úıi mańyndaǵy kópqabatty úılerdiń biriniń aýlasynan «Datsýn» markaly avtkóligi toqtatyldy. Kólikte 20 jáne 22 jas shamasyndaǵy eki jigit boldy. Kóliktiń júk salǵyshynan 43 dana IRhone markaly uıaly telefon tárkilendi. Sonymen qatar, gaz tapanshasy men pyshaq tabyldy. Kúdiktiler qamaýǵa alyndy», - dedi oblystyq PD baspasóz jetekshisi Erbolat Sarqulov.
Aıta keteıik qazir osy derek boıynsha QR Qylmystyq kodeksiniń 192-shi, ıaǵnı «Tonaý» babymen sot aldy tergeý amaldary bastaldy. 
