Aqtóbede úı-kúısiz júrgender mıllıondaǵan tabysy bar kompanııalardyń «dırektory» bolyp shyqty
Aqtóbe qalasy Almaty aýdanynyń prokýratýrasy kóleńkeli ekonomıkanyń bir tarmaǵyn anyqtap, jolyn kesti. Baspanasy joq adamdar panalaıtyn áleýmettik ortalyqtyń 14 turǵyny kásipker retinde tirkelgen. Jaýapkershiligi shekteýli seriktestiktiń dırektory ári quryltaıshysynan suraǵan kezde munyń bárinen habarsyz bolyp shyqty.
«Qujatta kórsetilgen adamdardan mán-jaıdy suraǵan kezde olardyń bızneske esh qatysy joq ekeni anyqtaldy. Úsheýi – І jáne ІІ top múgedegi. Al «bıznestegi» aınalym aqshasy 2021 jyl men 2022 jyldyń sáýir aıynda 800 mıllıon teńgeni quraǵan. Qazir osy derekke baılanysty salyq organdaryna kemshilikti joıý týraly usynys berildi. Al is materıaly Ekonomıkalyq tergeý departamentine jiberildi», - dedi Aqtóbe qalasy Almaty aýdanynyń prokýrory Jasulan Dáýlembaev.
Eske salsaq, Qarjylyq monıtorıng agenttigi Aqtóbe oblysy boıynsha aýmaqtyq departamentiniń qyzmetkerleri alkogol ónimin qoldan jasap satatyn astyrtyn tsehty anyqtady. Kúdikti óz úıinde ártúrli ataýdaǵy alkogol ónimderiniń óndirisin uıymdastyryp, daıyn ónimdi jalǵan esepke alý-baqylaý tańbalarymen tańbalaǵan.