Aqtóbede úı karantıniniń tártibin buzǵan 45 adam jaýapqa tartyldy

AQTÓBE. QazAqparat - Tótenshe jaǵdaı rejımi engizilgen sátten bastap Aqtóbede úıdegi karantındi buzǵany úshin 45 adam ákimshilik jaýapqa tartylǵan, dep habarlaıdy QazAqparat tilshisi.

45 adamnyń 15-i qamaýǵa alyndy. 9 azamatqa aıyppul salyndy, 9-na eskertý berildi. Sondaı-aq 12 materıal sotqa joldandy.

«Oblys ortalyǵynda úıdegi karantındi buzǵan adamdar sany artty. Sanıtar mamandar, jergilikti atqarýshy organdardyń qyzmetkerleri jáne polıtsııa karantınge jabylǵan úılerdin turǵyndarymen túsindirý is-sharalaryn júrgizip jatyr. Úıdegi karantınde jatqan adamdardy tekserý barysynda polıtsııa qyzmetkerleri qala turǵynyn páterinen tappady. 32 jastaǵy er adamǵa qatysty ÁQBtK-niń 476-babynyń 2-tarmaǵy boıynsha ákimshilik hattama toltyrylyp, mamandandyrylǵan ákimshilik sot 10 AEK-ke ákimshilik aıyppul saldy», - dedi oblystyq PD baspasóz qyzmetiniń jetekshisi Erbolat Sarqulov.

Aqtóbe oblystyq polıtsııa departamenti karantındi saqtaý talaptaryn oryndamaǵany úshin ákimshilik jaýapkershilik qarastyrylǵanyn eske salady.

Eger karantındegi adam basqa adamǵa vırýs juqtyrsa, qoldanystaǵy zańnamada bul úshin qylmystyq jaýapkershilik kózdelgen.