Aqtóbede úshem ómirge keldi

AQTÓBE. QazAqparat – Aqtóbede Fatıma, Madına, Ámına esimdi úshem ómirge keldi. Qazir anasy men qyzdarynyń densaýlyǵy dárigerler baqylaýynda, dep habarlaıdy QazAqparat tilshisi.

Aqtóbe perınataldy ortalyǵynda úshem ómirge keldi. Temir aýdany Sarkól aýyldyq okrýginiń turǵyny Fatıma, Madına, Ámına atty úsh náresteni ómirge ákeldi.

«Úshem anasynyń janynda. Ámına 2200, Fatıma 2020, Madına 2000 gramm bolyp ómirge keldi. Qazir árqaısysy salmaq qosyp jatyr. Ana men sábılerdiń jaǵdaıy jaqsy. Anasy kesir tiligi arqyly bosandy. Shamamen 34-35 aptada bosandyryp otyrmyz», - dedi oblystyq perınataldyq ortalyqtyń bas dárigeri Gúlshat Temirbaeva.

Bıyl oblystyq perınataldy ortalyqta úsh úshem ómirge keldi. Barlyǵy 7 myńǵa jýyq ana bosansa, onyń 100-den astamy egizdi ómirge ákelgen.

Eske salsaq, «Ańsaǵan sábı» baǵdarlamasy aıasynda Aqtóbede Qasym, Jomart, Kemel esimdi úshem ómirge keldi.