Aqtóbede úsh jylqyshyny atyp ketken kúdikti ustaldy
AQTÓBE. QazAqparat - Aqtóbedegi Baıǵanın aýdanyna qarasty aýylda úsh jylqyshyny atyp ketken kúdikti ustaldy. Qazir ol tergeý ızolıatorynda otyr, dep habarlaıdy QazAqparat tilshisi.
Aqtóbe oblysy, Baıǵanın aýdanyndaǵy Laqtybaı jáne Túgisken maldy aýylynda 14 aqpan kúni atys bolyp , úsh jylqyshynyń múrdesi tabyldy . Qazir osy oqıǵaǵa qatysty kúdikti ustalyp, tergeý jumystary bastaldy.
«Sharýa qojalyǵynyń ıesi sol kúni kólikter men tehnıkany jóndeý úshin Aqtóbe qalasynan jumysshylardy ákelgen. Olar sol kúni ishimdik iship, qarýdan oq atqan. Qazir tergeý jumystary júrip jatyr. Kúdikti ustaldy. Aty-jóni de belgili. Qashqynbaı Ermaǵambetov degen kúdikti «Abdýlǵazız» sharýa qojalyǵynda jumys istegen»,- dedi Baıǵanın aýdanynyń ákimi Mamyrǵalı Aqqaǵazov.
