Aqtóbede úsh jylǵa jalǵasqan jol qurylysy tolyq aıaqtaldy
AQTÓBE. KAZINFORM — Aqtóbe men Atyraý shekarasyna deıingi aralyqta qurylys tolyq aıaqtaldy. Qurylys úsh jyl boıy júrdi.
Aqtóbe-Astrahan tasjolynyń Aqtóbe-Qandyaǵash arasyndaǵy bóligi qoldanysqa berildi. Jalpy bul baǵyttaǵy jol Aqtóbe-Qandyaǵash, Aqtóbe-Astrahan bolyp bólingen. Uzyndyǵy — 372 shaqyrym. Qazirgi kezde barlyq jolǵa asfalt tóselgen.
— Aqtóbe-Qandyaǵash arasynda 691 tonna asfalt qospasy qoldanyldy. Munda 2500 adam jumys istep, qoldanysqa berildi. Keler jyly Aqtóbe oblysy aýmaǵynda 350 shaqyrym jolǵa ortasha jóndeý jasalady. Sonymen birge Aqtóbe-Qarabutaq-Ulǵaısyn tasjolynyń qurylysy bıyl bastaldy. Jospar boıynsha 2027 jylǵa deıin tolyq aıaqtaǵymyz keledi. Bul joldyń uzyndyǵy 232 shaqyrym. 28,1 shaqyrymynda qurylys bıyl bastaldy. Ózgesinde qurylys keler jyly bastalady. Qazir konkýrs ótip jatyr. Halyqaralyq banktermen kelisimshart jasalady, — dedi «QazAvtoJol» UK» AQ basqarma tóraǵasy Darhan Imanashev.
Aıta keteıik, qaıta jańǵyrtý kezinde 10 kópir, 4 ótpejol, 3 jol aıryǵy men temirjol arqyly 1 ótpejol salyndy. 8 demalys alańy jáne 18 aıaldama abattandyryldy, sondaı-aq 1795 elektr baǵanasy ornatyldy.
Eske salsaq, bul jolǵa qujat daıyndaý jumysy 2017 jyly bastaldy.
Al qurylys jumysy 2021 qurylys bastap júrgizildi.