Aqtóbede úsh jasar bala besinshi qabattan qulap ketti

AQTÓBE. KAZINFORM — Terezeden qulap ketken bala qazir aýrýhanada jatyr. Ata-anasy jaýapqa tartylady.

Oqıǵa 5 mamyr kúni boldy. Úsh jasar bala dereý oblystyq aýrýhanaǵa jetkizildi.

— Bala jaraqat alyp, medıtsınalyq mekemege jatqyzyldy. Kámeletke tolmaǵan balany tárbıeleý jónindegi mindetterdi tıisinshe oryndamaǵany úshin ata-anasy jaýapqa tartylady. Polıtsııa departamenti ata-analarǵa qaýipsizdik sharalaryn saqtaý qajet ekenin eske salady. Terezelerge qorǵanysh qurylǵylaryn ornatyp, balalardy qaraýsyz qaldyrmaý kerek, — dedi oblystyq PD baspasóz qyzmetiniń jetekshisi Erbolat Sarqulov.

Qazir balanyń jaǵdaıy turaqty aýyr.

— Jedel járdem brıgadasy balany 5 maýsym kúni saǵat 18:53–te ákeldi. Túsken kezde jaǵdaıy aýyr boldy. Ony travmatolog, neırohırýrg, hırýrg, reanımatolog qarady. Qazir bala jansaqtaý bóliminde jatyr. Barlyq em jasaldy. Jaǵdaıy aýyr, biraq turaqty, — dedi oblystyq balalar aýrýhanasy bas dárigeriniń orynbasary Saǵıdolla Dosmaǵambetov.

Eske salsaq, sáýir aıynda Іshki ister mınıstrligi ata-analarǵa balalar qaýipsizdigine qatysty úndeý jasady.